Aalis muna ako
Tatakasan sandali ang mundo
Magtatago pansamantala
Susubukan kong huminga
Tatahakin ang mahabang daan
Walang pakialam kung saan
Nais ko lang muna kalimutan
Kahit na panandalian
Sana kayang maghilom ng sugat
Lahat ng sakit ibubulong ko sa dagat
Ibabaon ko sa buhangin
Lahat ng alaala natin
Ipapatangay ko sa alon
Sa laot, doon ko itatapon
Mga pangako na binitawan
Sa huli ako pa din ay iniwanan
Dito sa ilalim ng buwan
Bituin nakatunghay sa kalangitan
Iluluha ko na ang lahat
Sa sarili ipapaalala ang dapat
Susubukan kong tumawa
Hahalakhak kasama ng iba
Kahit dinudurog ang puso ko
Kasi ikaw ang sigaw nito
Sana masaya ka
Yan ang dasal ko sa lumikha
Sana makabangon ako
Mahirap, pero kakayanin ko
~RTBR (03122017)
"I once wanted to be a BUTTERFLY..."
About Me
- rotzie prata
- Makati, Philippines
- Organized Chaos. A storm calmed by the King. Daughter of the best Abba. ♥ I write because it's my way of expressing what I couldn't say out loud.
No comments:
Post a Comment